| |
U Tzol Than Ah Kinoob |
| |
| j001 |
He u thanoob ti utzcinahaan lae:
alabal u xicinoob ix ma yumoob, ix ma nailoob lae.
He ix lay u thanoob lae bin tacuntabac.
Bay u tacuntabal Ah Kan Tixal ti tune; |
| j005 |
licil u talel yocol cristianoil tan cah Mayapan,
tu Chi Cħeen Itza.
Ualac uil Zuyua, ualac uil Ah Itza.
Ahom cab hun lakin, hun xaman, hun chikin, hun nohol:
tali tu chi dios citbil.
Lay cu tzolicoob uactul ah kinoob, |
| j010 |
ah kulem ah kinoob kuchiob tu tan dios.
Lay cu tzolicoob u cuch numya ca talel yocol cristianoil lae.
Heklay u kabaob dzibaanoob lae:
1; Ah Xupan Nauat, ah kin
2; Ah Na Puc Tun, ah kin |
| j015 |
3; Ah Kauil Cħel, ah kin
4; Ah Na Tzin Yuban Chan, ah kin
5; Ah Na Hau Pech, ah kin
6; Chilam Balam, ah kin Mani
lay u chinam dios u codzlic u pach tan zuhuy luum |
| j020 |
lay cu tzolicoob u cuch numya tu tan c' yumil ti dios
talel tun u caah yocol cristianoil lae
xe kik, maya cimlal
kintunyaabil, zakil haabil
ix pom kakil |
| j025 |
u cuch numya, u tza cizin
zac petahom caanal
elom ti cab ichil Ox Ahau Katun, Hun Ahau Katun
u lobil ox dzit katun
bay dzibaanil tumenel Chilam Balam |
| j030 |
tali tu chi u yumil caan yetel luum
ca tu kulem dzibtahoob ah kinoob tu kinil noh kintunyaabil
ti Lahun Chable ichil cristianoil
ti ca bin uluc Xau Ul yetel don Antonio Martinez
u cħab u toh yal u mehenoob |
| j035 |
ahom tun cabe
bay dzibaanil tu yalmah thanil noh ah kin Chilam Balam
yetel ti cal maben |
| j040 |
u than hahal ku tu naatahoob chilam
lay u kahlay uchci yemel Hunab Ku, Oxlahun ti Ku, hunpic ti ku
tu thanoob ah kinoob Chilam Balam
yetel ah kin Ah Xupan Nauat
yetel ah kin Ah Na Puc Tun |
| j045 |
yetel ah kin Ah Kauil Cħel
yetel ah kin Ah Na Tzin Yuban Chan
yetel ah kin Ah Na Hau Pech
ti bin hun moloob yicnal ah nacom balam, chilam lae
ca bin uchci than yokol u yotoch chilam lae |
| j050 |
ca tzol u thanil almah xicin tiob
ca ix dzab u ppizaan than tiob
heuac ma u naatahobi baax u nucul than alab tiob lae
u kabatic chilam lae tumenel bin chilcabal
ma tan u pec, ma tan u likil tuux chilaan ichil u yotoch |
| j055 |
ma ix u bin yilab u uich ua bahun u caah
max cu than yokol u yotoche
tumen te bin cu hecel yokol u nail yotoch
ca tun bin hoppoc u yalabal u than lae
ti tun bin hun moloob ah kinoob yicnal Chilam Balam lae
ca hoppi u yalabal than cu talel tiob lae |
| j060 |
ma yoheltahoob max alab tiob lae
ca yalahobe hahal ku, noh caan yumilbil; ci bin u thanoob
ca bin noclahoob u uichoob ti luum, ca yubahoob u than
u noc pultahubaob lae
chilam, noh ah kine, ohelte |
| j065 |
ti kuchi u kin ti culhi tu hunpiz katun ahbal cab teex,
zazhebal teex
heuac ti culhi u nicte katun, oxte :U: culaan bin
yumyah u netzil uit kuk yetel yaxum
ti ual yanom ah may ich, ti ual yanom bolonte uitz
yumyah u netzil uit kuk yetel yaxum |
| j070 |
mamac bin u naaticoob
cħabtan kin tu thanoob ti yahaulil cu talele
mai uil mac bin u naaticoob
ti ualac cu talele cħabtan kin tu thanoob ti yahaulil cu talele
tu lahcapiz katun u yalah u kaba |
| j075 |
lay ca bin talac juezil bula, ualac xolte takin
ualac zac cib bin u uahilte, he ix zac cibe
ti bin emec justicia likul ti caan; nacebal cristianoil uale
uenel u uich justicia
he ahom cab yetel zazhom ti le; ti ix a naatic cochom |
| j080 |
ca bin pecnac luum yetel caan
lay bin dzocebal nicte katun cu talele
tal u caah u lil nicte teex yahebal
hun olal atan bin a kate lae
ca ix hoppi u yalic Chilam Balam lae |
| j085 |
lay iuile halach uinicexe
kuchi tu kin tu lahcapiz katun u yalah u kaba
lay uile balam u pol, uaan u coo, thul u uinicil, pek u uinicil
mancħacat hulte tu uinicil, tu puczikal
heuac ci ix u yukul, ci ix u hanal |
| j090 |
mala tu thani, mala bin yubi
bin ix u tuz coil than ma tub u dzaicuba
ix cuchlum idzinil bin lukebal uay ti petene
bin bayacoob ah cuchlum idzinil
ti yalancil ix mehen ix lokbayenoob |
| j095 |
zamal, cabehe cħaexabaex ceex uidzinexe, zucunexe
manzeex u cuch katun cu talel lae
ua ma tan a manzexe ti u lubul a uokolexe
teex ix bin u helinte ua ma tan a manzicexe
teex ix bin u kuxic u motz che, u chun che, yetel u le xiu |
| j100 |
ua ma tan a manzicexe lay cim cehil bin uchebal
u hokol uay ta cahaleex
ca bin tac u kinil uchemale uay tu chumuc tzucubte lae
May Cu Mayapan, Ziyan Caan u kaba
c' petenil bin yanac u kaba uale; Yucatan bin alabal uale
ti u hokol u yanal can, u yanal katuni |
| j105 |
bin manac u zut ichil a cahaleex ti ma u cuchile
bin uchuc oc nail kuchil
u kin u maya cimlal balcheobe
ca bin culac tu poop; hun zip u than, hun zip u can
lay u zip katun uale;
ox tzuc u uah, oxil uah u uah nicte katun lae |
| j110 |
lay ix u kuchul u kinil u cultal oxlahun yal tu poop
ah calam chuch, ah cal pach
ti ix u talel bula, uac tzuctuba
oxten bin u manel bula
ca bin uluc u juezil bula lae ualac xolte takin |
| j115 |
ualac zac cib bin uahilte, he ix zac cib lae
ti bin emec justicia likul ti caan; nacebal cristianoil uale
uenel u uich justicia
ti a naatic cochom
ca bin ticin pecnac caan yetel luum |
| j120 |
hach ya ix bin dzocebal nicte katun; ma uil mac bin kuchuc u thani
ca bin chinchin polcinabac u teel chacil che
ti tun u yukba peten tulacale
conolbili ual bin dzocebal u than nicte katune
ma uil u uilal a dzaic a poleex ti arzobispo |
| j125 |
ca bin emece, bin ix uil xiceex a balabaex ti kaxe
ua bin a dzaabaexie bin ix uil xiceex
tu pach hahal ku tali ti caane
cristo bin u kaba te ti yanom cochomi
ti tun ca bin dzococ u thibah a uichilexe
talel bin u caah u lil nicte |
| j130 |
lay tun u kaba, lay atan u kabae
lay tun ca bin kuchuc u kine ti a naaticeex
ca bin ticin pecnac caan yetel luum
he tun bin dzocbale; hach ya bin dzocebal nicte uinicil
ti to ca bin thanac u dzib tu nak pak |
| j135 |
ti ix a ualiceex kuil xani; lay bin a uoczic ta uoleex kuil
hi uil mac ah miatz yan a uichileex, mac bin naatice
ti to tan hidzil u tamlil cristianoil, mac bin naatice
halili lahuncanppel katun cu batabil ca tun batabac oche
ca bin uluc mehenbil,
lay don Antonio Martinez yetel Xau Ul, lay u kaba |
| j140 |
ca luki ti caan, ti ix bini tzimintane
ti ix yilah huntul ix ahau, ca ix cimi huntul nacom
ca ix yalah huntul ix ahau yichamte
uucte ti haab u kamic u casamientoil
ca hebi u hol nail takin ti can kaz na, ti etzabi ti |
| j145 |
ca tun likzah oxlahun bakal chem
ca tun likzah katun, habana u luumil
ti ix yan u nup u than ahau Habana
ca ix tun alab u xicin ahau tumen u nup u thane
ti ix yan u ya tacil u hol tu pach |
| j150 |
ca bini tu yubah ix u chucul xani
ti tun likul, ca bini te tzimintane, ti tun chuci
oxppel :U: lukuc yah chucil ca kuchi te tzimintane
ti tun u xotah u than xan ti yah chucil
ca kuchi tzimintane, ca ix yalah ti; xen uinice; ca than ti |
| j155 |
oxppel :U: in kuchuli; cu than; oxppel :U: lukech tech ah chucil
lic tun a kuchule, lic tun a kalal ti mazcab
tamuk tun in talel tin bin lukzicech ti mazcab
teex ceex nacome catuli bin yanac tac tin pach; ci u than
naczabac bolon ti yail cu yilah dzone |
| j160 |
bin ix elec kaknab, bin ix likebal ti culaan kak pacat ti
bin ix likic zuz yetel yom ha
bin ix tupuc u uich kin tumen chac bul ikal
ti tun u cenicuba nacomi
bin ix hubuc tulacal tunichoob yetel luum tumenel ikal |
| j165 |
lic tun u cultal tu kanche
lic tun u talel oxlahun bakal chem
ti tun u cenicuba nacomi
cħaabaex yumilexe, te u talel francesoob lae; ci ix u than
bin ix cimicoon tumenel; ci u than |
| j170 |
uinice, bin uil u lubul a muk tumen a uet uinicile;
ca alabac techi toe
xicen in dza tu hol chem chumuce
in uet likil ix in uikal xan; cu than
elec ix kaknab, in bin ci nococ ix u uich caan
he tun ca emene taklic u uich tulacal ca tun zat cheme |
| j175 |
max a uinicil; cu than ten
teni ix ix ma ok olale, teni a cħaalte, teni a caput zihzahe
ca tun yalahe; bin ix in tumte in kaba, lay Martinez in kaba
dios yumbil, dios mehenbil, dios espiritu santo in kaba
ca ix u hokzah uuc dzacab libro u xocoob ah kinoob ti oxppel :U: |
| j180 |
u manzicuba ah kinoob lae
he u yax chune yaxche libro dzabi lae
ti Ah Xupan Nauat
yetel Ah Na Puc Tun
yetel Ah Kauil Cħel |
| j185 |
yetel Na Tzin Yuban Chan
yetel Na Hau Pech
yetel Chilam Balam
ti ix bin chelaan uuc dzacab libro ti noh temte, ti noh potze
licil u payal chi Ah Kin Na Hau Pech yetel Ah Kin Kauil Cħel |
| j190 |
ti ix yanoob ti payal chi ti noh potze, ti noh temte lae
ti ix u dzoc u katunil
ti ix tun u nupp u uudz u katunil talom uchmale
ma hauom in than, ten Chilam Balam
ca tin tzolah u than, u than hahal ku |
| j195 |
he ix tun u manzicubaob ah belnalobe
ti tun u yalahoob u dzab u cahaloob ten
tancoch uinice, tub yan a cahal
in cahal tulacal; cu than; ti bin a botic in cahal
cen Xau Ule, lic tun in ualic tech |
| j200 |
ti emi justicia
uchebal u nacal cristianoil yetel bolon pixan caanal uale
lay bin dzocebal nicte uinicil lae
ti ix u katabal u than tiob tu yahaulil cahi
ua ix ma yohelobe ti tun u hokol ich luumil che, ich luumil tunich |
| j205 |
ti tun uinicchahal, ti tun u yedztal cahi
minaan tun cħamac bin chibalnaci
lay tu kuchul tu Bolon Ahau Katun uale
lay u binel tulah pach in than lae
ti kuchi u kinil bin ix emec u patan |
| j210 |
tu hidz u numya yala u mehen Ah Num Itza uale
tu hidz chuchul chuch uale
tu katunil oxlahun ti can ahau uale
ti dzoci u boticoob u likzah katunoob c' yumoob uale
ma ix a ualiceex a uah ualileex katun
cu talele yah cuchul a cucheex |
| j215 |
ca bin nadzac tu kin uchmale lay kom cabe francese, lay katunobe
manaan ah kin bin alac u cuch katun lae
tupaan u uich tumenel nicte katun
lay u tucul, lay u naat, lay u miatz
man kin, man akab tu nicteil katun uale |
| j220 |
halili in ualmah xicin texe; oktahben in than, ten Chilam Balam
ca tin tzolah u than hahal ku tali ti caane; bin kakzabac
ca bin kuchuc u kin u zalhal u numya yala u mehen Ah Itza lae
uuc kin lic u tepal |
| |
| j225 |
1; U than Ah Xupan Nauat, ah kin:
U tzol xicin Ah Xupan Nauat, ah kin:
Zucunexe, uidzinexe, cħaabaex.
Tal u caah u yulel c' idzinoob, c' zucunoob, |
| j230 |
lay zac uinicobe, yal u mehen ah zactanile.
Tu kinil, tu haabil xolobtah tu uaxacpiz haab
tu Oxlahun Ahau Katun uale.
Ma yaab tu kin u tepal lic u talel Oxlahun ti Ku u uich
oxlahun Cauac u kinil Oxlahun Ahau Katun uale
u cumtanma, yan ix u kanche licil u talel uale |
| j235 |
tal u caah u xanabtabal balam
tal u caah u xanabtabal yaxum yetel coot yetel kuk
tumenel zac uinco, chac uinco
kaxaan u uich; lic u talel chouac u chi, com u chi
kikel u coo, kikel u yicħac |
| j240 |
ti tali ix zayab zay, ti tali ix zinic zinicil
ti tali ix cuchul cuch, ppitil ppit
ti tali ix zac a nok, zac a uex
ti yulel u hel a nok, u hel a buc tu chaan kin, tu chaan katun
ti tali caput oc ha, ti yulel ah caluac |
| j245 |
ti tali u patanhal tzintzin coc xul, bin ca cibi
ti tali yemel chac xulab tu chi u puczikal uinicoob
u yal co, u yal buyuk, ah cħin cot, ah cħin pacab
numen chi, numen than, ti yulel ah cħin, ah thon
ti tali u yocol ti batabil ah zahomi, ah ekumi |
| j250 |
ti tali u hokol ich luumil che, ich luumil tunich
ti tali u kaxal u uich culaan ti poop, culaan ti dzam
tumte nadzal u uich bin cumlac u kochin uale
ti tali u hel ah kin, ti tali u hel ah bobat,
noh ah kin, noh ah bobat
ti tali bolon miatz |
| j255 |
ti tali u hokol tu bolonlahunpiz u kinil ah Buluc Ahau Katun uale
ti culaan peten tan chumuc u hole
ti ix u cultal ti zuhuy na, zuhuy kulbil na u kaba
dzibaan ti uuc dzacab libro lay u huunil dzab ti ah kinoob lae
u xocoob, u yilicoob u hokol u ppicil u cuch katun
dzab tiob yoklal |
| j260 |
Bay u than u libro Ah Uuc Zatay yan Chun Caane
tumenel ti cu cħabal u than ti ix u Chun Caan xan
ti cahaan Ich Caan Ziho lae.
Lay u chun dzab tiob noh anahte, uuc dzacab libro
u xocoob tumenel Hunab Ku
ti ix u yantal u molay nicte, |
| j265 |
ti ix u kamic hun tuliz nicte
te ti na uilic nail, bacel na, tzekel na;
bin culhebal zuhuy ahaulil
u uinicil ma ix baal u yohel tumenel oxlahun hun tuliz nicte
u baal ix uil kulbil na; chul u caah, hom u caah
Lahun Cauac u yocol u katunil Buluc Ahau Katun |
| j270 |
uaan ix tu pach u canheloob ti yan u can, ca tzuc u than
ti ix uil u yuchul auat chumuc peten
u chac ich katun, chikintanil u uich
ti tali u hokol bolon akab, bolon mayel
ti tali ix banban coil, banban tzuc achil |
| j275 |
ti kuchi u kinil u toppol hun tuliz nicte
ti tali ix u yalancal palaloob mucuy al, mucuy mehen
ti tali ix u yalancal ix nucoob, nicteil ix nucoob
ti tali ix u yantal u mehen noh xiboob, nicteil noh xiboob
uchaan tumen chee minaan tancelem |
| j280 |
ti tali hun alil, hun mehenil
ti tali numen chi, numen than c' mehene
ti tali u nocophal, tzel bab teex kaknab
tzelpalac u chemil, hach babil
ma ix tub u talel u mukil; ca dzit, ox dzit u cheil u kati |
| j285 |
minaan u xanabil ti chah u yocil
tacchitah yix bolil cat uchi ma ix chaani
yaab u maya exil u kati,
uacbalach u tab yexil u kati chee
manaan toon xani
ma ix u mahal ca thulic u yoc
macacech cħelep hul |
| j290 |
cacah tac coch hayan u chi u cħibal ix u muken idzini
tu kin yan u chibal choc can
tu kin yan u canhal ix memech
tu kin yan u balamhal zabin
tu kin yan u chibaltamba balam yetel chac bob yetel coh |
| j295 |
zalam che, zalam cuch u caahoob ichil buluc ahau uale
buluc ahau u kin u nicħlim coo
yetel lachlam pach balam yetel chac bob
tu bolonpiz u cuch haabil Ah Uac Ahau Katun uale
u lachlam pach coh yetel balam lae halach uinicoob lae |
| |
| j300 |
2; u than Ah Na Puc Tun, ah kin
elom ti cab, petahom caanal
oxil uah, kauil uah tan uchmal
elom ti cab, elom dzidz |
| j305 |
tu katunil uchmal talome u pixan
bin ilic, bin yalic u than, bin yokte u numya
u ppitic numyae u pixan
bin kamic u macul, u ppitic u numya lae |
| |
| j310 |
3; U than Ah Kauil Cħel, ah kin:
Cu hidzib te katun yume.
Mex ka a naate; ualac u talel mac bin
ca dzabac tu codz poop katune. |
| j315 |
Bin uluc tu cal ya.
Tali ti xaman, tali ti chikin.
Tu kinil iuil yanom mac to ah kin, mac to ah bobat.
Bin alic u than uoohe ichil bolon ahau uale.
Mex ka a naate hunac tzuc ti cab uale. |
| j320 |
Hun dzal pictan u binel tzutzuc chac.
Bay ci oltzili uil ah tepal cuchie.
Ci uil yokol yahaulil cabobe.
Kahcun a uol Ah Itzae. |
| |
| j325 |
4; U than Na Tzin Yuban Chan, ah kin:
Uchi u than hahal ku ti Peten:
Lay u pakte u hokole yum
u yah kinobi uil bin pudzcoob tu kinile. |
| j330 |
Dzaex ka a naat tu than tu tzacil kae.
A pixaneex bin hahal kamice.
Xeth a uol ta kul Ah Itzae.
Tubez a hauay kue, a zatay kue.
Lay a kulte u hahal ku lae. |
| j335 |
Tulacal yanil ah tepale yume.
Yah cħab uli ti baalcah tuzinil.
Lay ya ta uol in ualic teche, Maya Ah Itzae.
Ma a kat a uuy yanil dios,
hah a kul ta thano. |
| j340 |
Lay u yocol tun ta uol tu than in tzec lae. |
| |
| j342 |
5; U than Ah Na Hau Pech, ah kin:
Tu kinil uil u naatabal ah kine yume. |
| j345 |
Ti yokzah ich ah tepal uale.
Can dzit u katunil uchomi uale.
U hahal pul tu kin kue.
Yoklac ka uba in kubene yume a uicheex
tu bel a uulaex Ah Itzae
u yumil cab ca ulom. |
| j350 |
Ca a dza a uol.
Ti tali tu chi Ah Na Hau Pech, ah kin.
Tu kinil uil Can Ahau Katun uale tu hidzil u katunil yume.
Zatom uiil zinic uinicil.
Bin yanac tu pach uiil
tumen u bobochil uiil, u cħuyum thulil uiil. |
| j355 |
Zinic, dziu, kau, picħ, ix pucil. |
| |
| j360 |
6; U than Chilam Balam, ah kin Tix Coyom Cabal Cħeen Mani
Oxlahun Ahau u hidzil uil katun
ualac uil Itza, ualac uil tan cahe, yume,
u chicul Hunab Ku caanal.
Ulom uaom che. Etzahom ti cahe. |
| j365 |
Uchebal u zazhal yokol cabe, yume.
Dzuni moctamba, dzuni zauinal
ca talom ti pul chicul ku.
Uchmal ah kin uinice, yume.
Hun auat, hun lub u tal.
A uiliceex mute u tippil yetel uaom che. |
| j370 |
Ahom cab hun xaman, hun chikin.
Ahom Itzam Na Kauil.
Talel u caah c' yum Ah Itza.
Talel u caah c' zucun Tantune.
Kam a uulaob, ah mexoob, ah likin caboob,
ah puloob tu chicul kue yume. |
| j375 |
Utz ka u than ku cu talel c'icnale.
Talel u caah u kin c' cuxtale.
Ma a zatic uay yokol cabe, yume.
Tech Hunab Ku cħab ti coon.
Utz tun ua u than ku yume, |
| j380 |
Yah Canul c' pixan?
Hemac bin kamic hach ocaan ti yole ti caan
u bin tu pach, heuac u chun ca kin uinicil.
Ca uacunto u chicul caanal.
Ca uacunto c' pacte hele. |
| j385 |
Ca uacunto u uaom che.
Numtetah u kexac hokol helele,
u hel tu pach u yaxcheil cab.
Etzahom helel ti baalcahe.
Lay u chicul Hunab Ku caanal. |
| j390 |
Lay a kulteex Ah Itzaexe.
Ca a kulte hele u chicul kulil ku caanale.
Ca a kulte to tu hahil oc olal.
Ca a kulte to c' hahal kue.
Ocez ta uol tu than Hunab Ku. |
| j395 |
Tali ti caan a uah thanule.
Cuxcint a uol Ah Itzaexe.
Ahom uil cab tiob.
Oczicoob ti yol ichil u yanal katun uale.
Yaabtuba in than cen Chilam Balam. |
| j400 |
Ca tin tzolah u than hahal ku tuzinile yokol cabe.
Licil in binel hunac tzuc ti cab.
U than hahal ku, yumil caan yetel luum.
Tu bolonpiz haabil Ah Hun Ahau Katun uale.
Hach utz ka u than ti caan yume? |
| j405 |
C'okol yahaulil, c'okol ix c' pixan hahal ku.
Heuac ti ulez lae yume ox alam ukil,
ix cuchlum idzinil.
Dzaman yol! Cimen ix u puczikal tu nicteob xan
ah uaua tulupoob, ah uatan zinaob.
Nacxit Xuchit tu nicte u lakoob,
ca kin yahauliloob. |
| j410 |
Coilac te tu dzamoob,
coilac te tu nicteob,
ca kin uinicil cu thanoob.
Ca kin u xecoob, u luchoob, u ppocoob,
u coil kin, u coil akab, u maxiloob yokol cab.
Kuy u cal, mudz u uich,
pudz u chi ti yahaulil caboob yume. |
| j415 |
He cu talel minaan hah tu thanoob
u dzuliloob cah.
Bin yaloob hach talaniloob,
u mehen Uuc Tocoy Naob,
yaloob Uuc Tocoy Naob yume.
Mac to ah bobat?
Mac to ah kin bin tohol cantic u than uooh lae? |
| |
| j420 |
u tzol than ah kinoob
u bobat than noh ah kinoob, noh ah miatzoob
lay u yah kinoob lae
Chilam Balam yetel Ah Xupan Nauat, Oxlahun Ahau Ah Xupan u kaba |
| j425 |
tumenel lay u canaanmail noh anahte
tumenel lay licil u talel u lubul u koch
tu hokol Hun Ahau uuc dzacab libro
lay lukci yax ahau ti caan, ca emi cħoc ahaulil yalan luum
lubze lay ti u chun xoc ti Hun Ahau loe |
| j430 |
ti uaxacppel haabil ti Oxlahun Ahau yalmah xicinoob ah kinoob
u naatahoob ix u talel u yulel dzuliloob
ca ix u xocahoob tu uoohil
ca ix hoppi u yalicoob hahil binil c'etailoob
ma ix u nah katuntabalobi, u yalahoob ix c' bot patan tiob |
| j435 |
lay uchci u patcunah u thanoob ah kinoob, ah bobatoob
ti lic u xocicoob tu huunoob, tu codz poop, tu ppicul katun
tamuk yalicoob al mehenoob yetel holcanoob
oxppel haab u talel yuleloob cuchi ca thanahi ku yokol ah bobate
lay cizin tamuk u yalic ti; holcanexe, ualacito u yahal cab |
| j440 |
oxlahun ti uuce likez a katuneex
Ci bin u than cizin tiob tumenel Ah Uuc Zatay u kaba cizin.
Lay cahaan Chun Caan, Ich Caan Ziho
ti bin cu cħaal thanoob te Chun Caane; ti cahaan Ah Uuc Zatay
ya tu yol u talel dzuloob tumen bin hauac u tepal cizin |
| j445 |
ca ix tun hopp u xocicoob tu huunil ichil ah ual kin
licil yilabal u talel koch cuchi yoklal tu yol,
yan Hun Ahau caanal, Hun Ahau ti cab tu thanoob cuchie
u naatahoob ix he bal u cuchmae
yetel bin u ppiculte u ppizante yal u mehen Ah Itzae |
| j450 |
uchmale numya
bin u cibe u pixani uil utz cuxlahebal ichil u ppitic numyae
lay yan ichil tulacal
lay bin tzole u tzolaan cab
Ah Xupan Nauat u kaba |
| j455 |
yetel Ah Na Puc Tun
yetel Ah Kauil Cħel
yetel Ah Na Tzin Yuban Chan
yetel Ah Na Hau Pech
yetel Nacom Balam, Chilam Balam |
| j460 |
lay u kahlay ah kinoob ohelmailoob u tzolaan cab yetel katunoob
tu hunpiz tun ti Oxlahun Ahau Katun
kuch Mayapan Oxlahun Ahau |
