| rv001 |
u okotbatam
u uecil zaca |
| |
| rv005 |
he cin cucumtic a zuhuy mesaex tu tan tata dios yumbil
cin kubic trece a lucheex zuhuy ziz olal than |
| |
| rv010 |
oxtez kuyen cu lubul in than
dios yumbil, dios mehenbil, dios espiritu santo
eh in cichpam colel kan le ox
yetel bacan tech cichpam colel macdalena |
| rv015 |
yetel bacan tech cichpam colel veronica
yetel bacan tech cichpam colel guadalupe
uay tun cin dzancuntceex uay tuux cu tepal le santo yumtziloob
ti yum zaztun chac ti tan lakin
ti yax pauahtun, ti chac pauahtun, ti kan pauahtun, ti ek pauahtun |
| rv020 |
ti kakal mozon ikoob
ti mizen caan chac
ti ah thoxon caan chac
ti san miguel arcangel
ti bolon caan chac |
| rv025 |
ti hohop caan chac
bala oxtez kuyen cu lubul in than ti ah canaan cacaboob,
ti canaan kax,
ti canaan peten, ti canaan montaña
cin peczah thanoob tuux cucumaanoob
tumen c' yumil dios yumbil, dios espiritu santo |
| |
| rv030 |
uenzah thanoob
oxtez cu lubul in than tipunab
uay tun xan cin uenzah thancoob u canaan cacabiloob
ti u kamoob ti noh ah tepaloob |
| rv035 |
uay tu cahal tuz ik |
| |
| rv040 |
kub uah
tin kubic ti noh a kabeex le zuhuy trece uah yetel zuhuy nueve uah
yetel zuhuy ocho uah yetel zuhuy siete uah
yetel zuhuy trece laci yetel zuhuy nabaloob yetel zuhuy hol che |
| rv045 |
ma a katceex ti santo dios yumbil
ua ma tun cibchahateex le noh tepaloob |
