| nk000 |
Concierta yetel mapa
(Pages 1-22, Regil ms.)
U hotzuc ca culhi Ah Buluc Ahau lay katun ca uli españolesob
ca cahiob te ti noh cah te ti Ho lae.
Te ix Ah Bolon Ahaue ti tun cahi Cristianoili lae. |
| nk005 |
He haab yax ulci c’ yum españolesob uay ti luum lae
tu haabil 1511 años =
Ten cen Ix Na Kuk Pech, yax hidalgos concixtadoren
uay ti luum lae tu cacabil Max Tunil |
| nk010 |
cin dzabal ti yax cah tu cacabil Cħac Xulub Cħeen
baybic dzanen in canante tumen in yumoob Ah Na Um Pech
lic utzcinic utz olal u belil u kahlail
uay ti cacab Cħac Xulub Cħeen
in yax mektantah lay cah lae cappel cacab: |
| nk015 |
Chichinica yetel uay Cħac Xulub Cħeen,
cen Na Kuk Pech in kaba cuchi ti ma ococ ha tin pol cuchi
u mehenen ti Ah Kom Pech,
Don Martin Pech ti cah Xul Kum Cheel
baybic dzanoon canan hol cacabob tumen in yum Ah Na Um Pech |
| nk020 |
likul tu cah Mutul ca tah culicnaben
in canante cacab Cħac Xulub Cħeen lae
ti manaan to u manac u talel c’ yum españolesob
uay tac luumi Yucatan lae.
Ten tun halach uinic uay ti cah |
| nk025 |
uay ti luum Cħac Xulub Cħeen lae
ca tan uli c’ yum Sr. Adelantado uay ti Peten lae
ichil yabil 1519 (1538?) años cuchi lae
ten ix yax batab ca uli españolesob tu luumil
uay Max Tunil lae. |
| nk030 |
Toon ix kame tu yaabal dza olalobe
toon ix yax dzaic patan yetel dzicil tiob
yetel ca dzaic hanaloob tiob capitanoob españolesoob
hek adelantado u kabae.
Lay uli uay Max Tunil tu tancabal Na Chi May. |
| nk035 |
Ti yanoob ca binoon c’ilab uchebal ca dzaic ciciol tiob
mai to ococoob ti cah cuchi chen bel zutucahoob
paybe uay ti luume.
Oxppel u dzanloob uay tu cacabil Max Tunile.
Uay tun likuloob cu bineloob tu Hol Pay Dzunul, |
| nk040 |
tu Hol u Payil Dzilam.
Tancoch yoxppel haab cahaanobi tiob yan cuchi
ca bini u kubulte in yumoob tiob lay adelantado u kaba.
Lay zutubi uay ti luum lae Ix Ca Kuk u kaba u dza in yum tiob
lay u kaba lay x-cħuplal u dzah tiob menyahticoob |
| nk045 |
yetel tzenticoob tiob tun yan cuchi
ca tal katuntabiloob tumen Cupuloob
ca tun lukobi ca biniob ti cahtaloob te Ecab.
Kantanen Kin u kaba u luumil cah lahciob.
Ti ix yanoob cuchi ca katuntabiob tumen Ah Ecaboob. |
| nk050 |
Ca lukobie ca kuchoob Chauac Ha.
Ti tun ocobi te maniob ti cah Dze Kom ti u kaba cahe manciob.
Ca kuchiob ti cah Tix Cuum Cuuc u kaba cah kuchciob.
Ti likuloob ca kuchoob Ti Num u kaba cah kuchciob.
Ca ix utzaclahoob u Chi Cħeen Itza u kaba. |
| nk055 |
Ti tun u katahoob u rey cah ulahaanobi
ca alab tiobi yan Ahau yume ci yalaloob yeyan Ahau Cocom,
Ah Um Pech, Ahau Pech, Na Max Cħeel,
Ahau Cħeel, Dzidzantun katun dzul te Xeleb Nae
ci yalaloob tumen naoboon Cupul. |
| nk060 |
U lukuloob tu Chi Cħeen Itza lae
ca tun kuchiob yicnal Ahau Ix Couat Cocom te Akee.
Yume: matab a bineleex telae bin zataceex.
Ci bin yalabloob tumen Ahau Ix Couat Cocom.
Ca ualkahiob tutulpachoob, ca binoob. |
| nk065 |
Ca kuchoob Chauac Ha tu caten
ca ix kuchoob tu Hol Payal Yucal Peten,
Hol Payal Catzim u kaba ti ix nakob ti kanabe
ca biniob ti cahtaloob tutulpachoob te Dzeleb Nae u kabae.
Lay yax cahicoob ca uloob uay ti luum lae. |
| nk070 |
Lay yetan Chan patune (Chakan Putune) uacppel (uucppel?) haab cahaanobi,
ca ix u hokzahubaob te Campeche.
Lay adelantado u kaba yax dzuli lay mani uay ti luum lae.
Tiob tun yan Campech cuchi ca u katahoob patan,
ca ix uyabi u thanoob tumen bataboob. |
| nk075 |
Ti cahalcahobe tulacal bini patantiob
te maniob ti kanabe yah pulul patanoob lae
ca tun binen yetel in lakoob Ah Macan Pech
yetel u yidzin Ixkil Itzam Pech
in yahaulil cah Cumkale |
| nk080 |
yetel in yum yan ti cah Xul Kum Cheele.
Lay in lakoob cat binen tu pach patan
lay ix ca yilahoob lay ix c’ lak Na Chi May
yoklal yohel ma a yohelma u thanoob
yoklal u yax uloob ichil yotoch ca uliob lae. |
| nk085 |
Lay tah oklal u thanahoob u lakintoob
ca binoob tu pach patan
yoklal yet tailtahoob españolesoob
ti tun kubiob tumenel capitanoob
ti ix c’ mata nok: sayo yetel capote |
| nk090 |
yetel zapato yetel u yetel ppoc.
Cicioltabion tumen le capitanoob
ca ix lukoon ca dzoci ca dzaic zililoob españolesoob
yan tac ix c’ buc ca uloon lay sayo yetel capote
lay Ixkil Itzam Pech yan Conkale |
| nk095 |
lay ix c’ lak Ah Macan Pech.
Yan Yax Kukule yetel in yum Ah Kom Pech u noh xibal
ca binoon cen Ix Na Kuk Pech lae in kaba
ten yax batab yax kuboob patan
ca binoon Campech ca kuboob patan. |
| nk100 |
Ca ix uloon tutulpache tamuk u talel españolesoob
tu bel Campech talel u caahoob
ti cahtal Ich Caan Ziho, ti noh cah ti Hoe.
Ti uchi ix ca yubah u taleloob españolesoob tu bel Campech
ca binoon ca dzab zil tiob tolo |
| nk105 |
ten ca ix binen tu caten cat kube patan.
Cen Ix Na Kuk Pech uay tu cabil Cħac Xulub Cħeen
yetel Ah Macan Pech yan tu cabil Yax Kukul
yetel Ixkil Itzam Pech u noh batabil Conkale
yetel ten cen Ix Na Kuk Pech batab |
| nk110 |
uay ti cah Cħac Xulub Cħeen
te ix oci ca zil tiob tu caten te Dzibilkale
ix u chucaan u nahubaob tu caten
ca kube zil tiob ulum yetel cab yetel u cħahucil hanaloob
u kamciob te Dzibilkale ti tamuk u talel |
| nk115 |
yocoloob ti cahtal ti Hoo.
Lay Don Francisco de Montejo yax capitan General
yax uli uay tu peten ti Hoo lae
yetel Don Francisco de Bracamonte yetel Francisco Tamayo
yetel Juan de Pacheco yetel perarberes |
| nk120 |
lay capitanesoob uliob ichil haabil 1541 años.
Lay haab ca uuloob ti Hoo ti cahtaloob
lay capitanoob mektanmail españolesoob ca uliob ti Hoo lae.
Tenili batab cen Ix Na Kuk Pech
ca uli españolesoob te ti Hoe |
| nk125 |
ten ix kubi patan ti concixtadoresoob ti Hoo
ten ix batab uay ti cacab Cħac Xulub Cħeen lae
tamuk u escribanoil Rodrigo Alvarez ichil yaabil 1542 años.
|
| nk130 |
U tan u toxol cahoob ti concixtadoresoob
tumen capitanoob adelantado
lay yax españolesoob yetel escribano Rodrigo Alvarez
lay dzibtic u xocaan patanoob ti yulel hunhuntzuc ti cahoob
bay ix tamuk u kubic patan in lakoob tulacal |
| nk135 |
lay in cħibaloob lae ti tamuk ban patane
yoklal toxbil patan tiob españolesoob
tumen capitanoob adelantado
yetel escribano Rodrigo Alvarez
ichil hunhunteel haab uli españolesoob ti Hoo |
| nk140 |
tulacal ca ix cħaben cen Ix Na Kuk Pech
ca dzaben ti Don Julian Doncel encomendero
lay u yax yumil cah uay Cħac Xulub Cħeen lae.
Lay yax encomendero ca ix machi in kab
yetel tu tan capitan Don Francisco de Montejo, adelantado. |
| nk145 |
Ten tun dzabi ti batabil ti Don Julian Doncel tu kab
ca hoppi in tanlic u patan u yumil kul uiniciloob
cen Ix Na Kuk Pech lae
ten tanlic in batabil cuchi
ca uli (Gaspar Suares) Alvarez, yax alcalde mayor |
| nk150 |
uay tu petenil Yucatan ti Hoo lae.
Ca ix uli Alvara de Carmayor, alcalde mayorli xan
ca ix uli Oidor Don Tomas Lopes
tenili batab cuchie
he ix in kabatah cen Ix Na Kuk Pech |
| nk155 |
ca oci ah tin pole yetel ca tin kamah bautismo Don Pablo Pech,
lay in kaba ca hau in kabatic Na Kuk Pechil
hidalgasoon yax bataboon tumen capitanoob
ca tu yax chucah uay ti Peten lae.
Toon ix yax kuboob patan ti dzuloob |
| nk160 |
ca tu dzab uchucil toon tumen Dios yetel Rey ah tepal lae.
Toon u cħibaloon hidalgos tu yalomal in mehenoob tulacal
tu tan kinil cu binel tu nak u hayal cab lae.
Toon bataboon yahaulil uay ti luum
ti ma yanac santa iglesiaob ti cacaboob |
| nk165 |
tan to u ximbaltabal luumoob tumen españolesoob
ua tub ci tan u moltaloob utial u kulteob ti
yoklal piz uinicoob cuchi
ti ma cristianacobi tulacal in mektan cahil uinicoob
tumen in kamci in cristianoil Cen Na Kuk Pech cuchi. |
| nk170 |
Layli bataben cuchi ca in kamah santo oleos
yetel santo oc olal
utial in canzic in mektan cahiloob tulacal.
Ten ix yax mache vara utial justiciasil
tumen ti binen in nant u than Dios |
| nk175 |
yetel c’ noh ahau Rey ah tepal.
Lay tun c’ yum ti Oidor Don Tomas Lopes
ca uchi lae yax dzai u xicin patan ti bataboob
ti cahal cahoob lay temez ti c’ patan.
Dzoc tun yahaulil Oidor Don Tomas Lopes |
| nk180 |
ca tun tin kubah in vara ti in mehen Don Pedro Pech
ichil haabil 1552 años.
Lay cu xocol yaabil cuchi lae
ca in kamah u vara in yum Na Kuk Pech,
Don Pablo Pech, |
| nk185 |
Ursula Pech ix xan uay ti cacab Cħac Xulub Cħeen lae
utial in meyactic Dios yetel c’ noh Ahau Rey ah tepal
utial in mektantic lay cah lae
uay ti cacab Cħac Xulub Cħeen lae.
Lay tun ulicoob tu cahaloob yetel u yah kuleloob |
| nk190 |
yetel u hol poopoob bay tu cahal Yax Kukul
bay tu cahal Xul Kum Cheel
bay tu cahal Max Tunil
yax cħibal Macan Pech
yax cħibal Tah Kom Pech Xul Kum Cheel |
| nk195 |
yet ulcoob ix yah kinoob yax cħibal Macan Pech
yax cħibal Tah Kom Pech Xul Kum Cheel
yet ulcoob ix u kuchuloob tu pachoob
ca uliob uay ti cahtale yet ulcoob ix yah kinoob
u hol poopoob yetel yah kuleloob tu pachoob u halach uinicoob |
| nk200 |
ca uliob tu cacabil Yax Kukul
bay ix toon xan cat uloon
uay tu cacabil Cħac Xulub Cħeen lae ca cahiob uay lae.
Lay culcinaben Tah Na Kuk Pech
tumen in yum Tah Kom Pech |
| nk205 |
u mehen Tah Tunal Pech yax cħibal Max Tunile mektantic cah lae.
Cat uli dzuloob uay tu luumil cacaboob lae
manaan maya uinicoob ti kuchi yoloob u kube patan
ti yax dzuloob cuchi lae.
Lay u yax cantahoob dzuloob españolesoob |
| nk210 |
dzocaanili tun u dzabal cah canaante cen Tah Na Kuk Pech
in yax kamici cah uay ti cacab Cħac Xulub Cħeen
ca uliob u chun u thanoob tu pachoob
yetel yah kulel yetel u hol poopoob yetel yah kinoob lae.
Lay u kaba: Ah Kul Matu yetel Kul Che |
| nk215 |
yetel uloob ix yah kinoob Ah Kin Cocom, Ah Kin Tacu
yetel uloob ix u hol poop Na Chan Cen yetel hol poop Xuluc
lay u kaba hol poop lay mektanmailoob
ca uloob uay ti u luum Max Tunil yetel Ah Kul Chuc
yetel u hol poop tu pachoob |
| nk220 |
lay u hedzahoob u cacabil uay Cħac Xulub Cħeen
ca ix uliob u holcanoob, u nacomoob:
Nacom Kan, Nacom Xuluc, Nacom Pot, Nacom May, Nacom Ek.
Lay u kaba nacomoob.
Layobi u kaba nacomoob yah mektanul batabtah Na Kuk Pech |
| nk225 |
ca ulen uay ti cah Cħac Xulub Cħeen.
Lay chiccunic yol lay in kuchuloob
cat ulen uay ti cah, uay ti luum,
uay ti cacabil Cħac Xulub Cħeen.
Cen Tah Na Kuk Pech lae |
| nk230 |
ca ulen tumen u halach uinic
tenoob ca chichic cah uay ti Cħac Xulub Cħeen lae
tumen u nucteeloob cuchi lae
manaan u manak u talel españolesoob uay ti luum lae.
Minaan u yana cah chichcunic cah uay Cħac Xulub Cħeen. |
| nk235 |
Layobi tu basiloob lae ti dzocaanili yulel españolesoob
ti noh cah ti Ho
yetel u kamal cristianoil tumen uinicoob uay Tah Ceh Peche.
Dzocaanili ix in molic cah uay tulacahal Cħac Xulub Cħeen
cen Don Pablo Pech |
| nk240 |
yetel in yum Don Martin Pech concixtador Xul Kum Cheel lae.
Ti tun lae ti hoppi u licil u katun españolesoob
ich mul coch le ah ca binoon yetel in yum Ah Macan Pech,
yax cħibal Yax Kukul yetel Ixkil Itzam Pech,
yax cħibal Cumkal yetel ti binen tu pach katun |
| nk245 |
ca oci u patan Koch Uahobe.
Lay tun mektanmail u yumil kul uiniciloob cah
ca ti binoon ti katun yah yukul kah
yetel tuce tumenel u kuxiloob ti kul uinicoob
ichil uacppel u yanoon ix |
| nk250 |
yetel in lakoob tu pach kul uinicoob
ti num ya mektanan tun in yum tumen u chun thanoob
layobi hach ilahoob yuchul tulacal tu banaloob
tin cantah uchil in informacion tulacal lae
uchebal yoheltabal tumen in cħibaloob in mehenoob tin pach |
| nk255 |
ti uchen cimic uay okol cab lae
yoklal in titulo in probanza dzaan ten
tumen c’ yumil ti Dios yetel c’ noh Ahau Rey Ah Tepal
manaan in patan
ma ix uchac in botic patan |
| nk260 |
ma ix in mehenoob ma ix in uix mehenoob bin u bote patan
yoklal tu lukzah ten c’ yumil ti Dios
ichil u zahacil in puczikal
ti ma to in uilal u uich españolesoob cuchi
tu dzah ten chich olal utial in kubicinba tu kab españolesoob |
| nk265 |
yetel in cahaloob tulacal utial u cakal cahoob
tumenel capitanoob adelantado
yax concixtadoresoob uliob uay ti u luumil Yucatane.
He haab yax ulci dzuloob tu luumil uay ti Cupule lae: 1511 años.
Cuchi ma hun ilabac dzuloob españolesoob |
| nk270 |
ca chuci Jeronimo de Aguilar tumenoob Ah Cuzamiloob lae.
Lay u chun yoheltabal Peten tulacal lae
yoklal dzoci u ximbaltabal u chi luumoob tulacal
lay tah oklal ma talaan u chi luumoob Peten tulacal.
Lay tun cin tzolic tu tan Ahau |
| nk275 |
ca tu kuchi tu tan Ahau Ah Macan Pech, Don Pedro Pech,
yetel u cuchteeloob yax cħibaloob u nacomoob tu pachoob
tulacal binoob tu pach yoklal utziloob Ahau
ilal u uichoob u mazeual uinicoob
ca ix tu teta lahun cakal u nucil uinicoob |
| nk280 |
u binez tu pach ti Ahau Rey Ah Tepal u tzicoob ti mesa
nachi ti España heix mac xenahi tu tzicile tu tan Rey Ah Tepale.
Lay tun tu yalah Ahau ca u bote patanoob tulacal
yal u mehenoob tulacal
heix toon Ah Pechoob yax cħibal uay ti luum |
| nk285 |
yetel yax cħibal tal ti Cupul
ca bin tu yalah yaabil peten yetel yaabil maya uinicoob,
u baal luum.
Ca ix bin tu tzolah u xocaan tu tanil c’ noh Ahau
ca utzac u talal hedzbil u chi luum u chinante Ahau |
| nk290 |
bay tun chacanhic c’ luumil lae.
Lay Aguilar lae te hantabi tumen Ah Na Um Pot Cuzamile
tu yaabil 1517 años.
Lay yaabil hauic cħa katun lae.
Lay hauic u uacuntabal u tunil baalcah |
| nk295 |
yoklal hunhunkal tun u talel uatal u tunil baalcah cuchi.
Ti man uluc dzul españolesoob Cuzamil cuchi
uay tal petenil tumen ulic españolesoob cat haui u betabal.
1519 años: |
| nk300 |
Lay yaabil yax ulcoob españolesoob uay Cuzamil
tu yax mal Fernando de Cortes yetel Espoblaco Lara
a 28 de Febrero cuchi
ca uliob Cuzamiloob u yax mal ah oheliloob hahal u cibel than.
|
| nk305 |
Lay yaabil kuchcoob tu Chi Cħeen tah mak opile
ti tun yax oheltabi u Chi Cħeen Itza
tumen noh españolesoob Don Francisco de Montejo adelantado
u halach uinicoob
ca dzanoob tu Chi Cħeen Itza: |
| nk310 |
1521 años tu yoxlahunpiz u kinil agosto
chucic u luumil Mexico tumen españolesoob
uchci u yox katuntabaloob españolesoob tumen cah tulacal
uay tu cahal Cupule
ca u thi katahoob Ah Ceh Pech |
| nk315 |
tu cimil Zalibna yetel etahau Len Pot Tix Koch Uah
tu provinciail Ti Kanto
yetel yicnal Ah Kinich Kak Moo Itzmal
u nup u than Holtun Ake.
Lay yaabil lae uchic u kuchul españolesoob |
| nk320 |
tu Chi Cħeen Itza tu caten.
U hedzoob u Chi Cħeen Itza
ti ca uli Capitan Don Francisco de Montejo
yah tohil yah tocil Nacom Cupul
kuchul u caah hunkal haab yax kuchcoob tu Chi Cħeen Itza |
| nk325 |
ti u kabatahoob ah mak opilobe ah dzadz opoob.
1542 años: Lay haab ca u hedzahoob luum españolesoob
ti Ich Caan Ziho, Chun Caan.
U nup u than Kinich Kak Moo ah kin yetel |
| nk330 |
Ah Tutul Xiu yahaulil cabeçera Mani
u pol u metah u hedzahoob yax cħibaloob
lay yax hoppic yocol patan tiob lae
tu yoxten tun yuleloob ta luumil ca tun hunkul culhoob lae.
Heklay culicoob helelae u hunten ulcobe tu Chi Cħeen Itza |
| nk335 |
ti u yax makahoob op ma tech u makal lay op
ca u makahoob españolesoob u kabatcoob ah mak opiloob
u caten ulcobi tu Chi Cħeene ca u tocahoob naoboon Cupul
tu yoxten yulelobe ca tun hunkul culhiob lae.
Lay yaabil lae: 1542 años. |
| nk340 |
Lay tun hunkul culhiob uay ti luum Ich Caan Ziho.
Yaniloob hehelae Oxlahun Kan ah cuch haab ti maya xoc lae.
1543 años: Lay yaabil binci españolesoob te ti xaman
cħeile u xachete mayab uinicoob u mazeualtobe |
| nk345 |
yoklal manaan mazeual uinic u paliltoob ti Ho.
Lay taloob ti xache uinicoob u mazeualtoob
tu chii tun ca kuchoob ti poop Ceh
ti uch ban patan tiobi likuloob ti Ho
ca tu kuchoob ti poop Ceh tu chii ca uloob ca biniob ti Kom. |
| nk350 |
Man ti kin yanhicobe te tix Kome
ti hunkal u kinil yanoob ca lukabi lay españolesoob lae.
1544 años: Lay haab ca dzan dzul Chauac Ha;
Asiessa u capitanil ca dzanoob te Chauac Hae |
| nk355 |
ti uchi pach yumili ti oki patan tiobi:
cab, ulum, ixim, dzab tiob yan Chauac Hae
ca tun ca tu kalahoob ti mazcab Ah Kul Camal tal Zizal
ca tu katah u xocol cah tulacal.
Hun haab kalan ti mazcab tumenoob. |
| nk360 |
Lay paye u bel españolesoob ca taliob ti cahtal Zac Ii.
Heklay Ah Kul Camal lae lay oci ti batabil Zac Ii,
Zizale Don Juan Camal de la Cruz u kabatah
yoklal hach hahah u than.
Lay yax utzci ti cruz Chauac Hae uyabi u than tumen dzuloob lae. |
| nk365 |
Lay tumen lay ti oci ti batabil Zizal
ontkinac u batabil ca tu cimil.
Lay ti pay u bel españolesoob
ca binoob ti katunyah tix Koch Uah xane.
He dzuloob lae: hunppel haab dzanaanoob Chauac Ha lukoob |
| nk370 |
ca tu taloob Zac Ii hunkulhi u kalnicoob ti mazcab
yilab batab Camal lae.
1545 años: Dzani dzuloob Zac Ii lay ix yaabil
hopp ti cristianoil tumen padresoob orden de San Francisco |
| nk375 |
te tu Hol Ha Chan potone (Chakan Putune)
hali yax ulcoob padresoob u machmaob
C’ah Lohil ti Jesus Cristo tu kaboob
lay lic yezic ti mazeual uinicoob
ca tu yax uloob tu Hol Ha Chanpoton (Chakan Putun) lae |
| nk380 |
te chikin uay tu cuchcabal u than uay Ich Caan Ziho ti Ho,
tu cahal Ich Caan Ziho.
Lay u kaba lay padresoob hoppez cristianoil
uay ti cah Peten Yucatan lae.
Lay u kabaobe: Fr. Juan de la Puerta |
| nk385 |
yetel Fr. Luis de Villalpando yetel Fr. Diego de Becal
yetel Fr. Juan de Guerrero yetel Fr. Merchol de Benavente.
Layob hoppez cristianoil uay ti Peten chikin lae
ti ma to tac cristianoil uay Cupul pachal Ho
ma to tac cristianoil |
| nk390 |
bay to bin cantic ca bin hoppoc toon uay ti Cupule.
1546 años: Lay haab ca uchi ah etzil lae
altos en la tierra 9 de Noviembre bolulo de pas en 4 meses
ca uchi tu bolonpiz u kinil Noviembre ti yaabil de 1546 años |
| nk395 |
canppel u cinaanil katun lae
ca zihi lae kuchi hunppel haab yalcab uinicoob
ca tali u molicubaob tu caten ocol u cibal patan
ca zihi katune
ulel u cibahoob ahezobob tali chikin tabzic uinicoob |
| nk400 |
ca yutzcinah katun lae
etzcunul yetel Ah Camal taloob chikin
he dzul cimzabiobe catul mehen dzuloob u cimzah palil Mena
ti cimoob Chamaxe ppatal u cibahoob
ca taloob Zac Ii toh yol tulacal dzuloob |
| nk405 |
ca likil katun yokoloob lae
likil tun u cimzabal Ah Etz Camal ti Pakam Ah Pakam
tu cimilhi Surusano yokol nicte
tumen u cahalobe humppel akabhi
u cimil dzul tumen uinicoob lae |
| nk410 |
kohaan yoc yetel u kaboob
ca bini tu kinil katun ti akab ti cah tulacal.
1547 años: Lay haab ca paxi u chem Ex Boxe Ecabe
ca bini españolesoob bakzahticoob |
| nk415 |
u dzahoob katun yok boxte Ecabe ual Ek Boxil lae.
1548 años: Ulci padre ermitaño Zac Ii chumez cristianoil lae.
1550 años: molci cah tulacaltabal tal Mani. |
| nk420 |
1551 años: ulci padre guardian Fr. Fernando Guerrero Zac Ii,
Zizal lay ocez ha tu hol uinicoob
lay chunbezoob cristianoil uay tu cuchcabal Zac Ii tulacal
tal Chikin Cħeel tali Ecab, tali Cuzamil, |
| nk425 |
tali ti xaman, tali ti nohol xan.
Lay chunmez u pakal monisterio Zac Ii Zizal.
1552 años: Lay haab cahciob padresoob Yokab cuchi.
Lay yaabil ulcoob ah canbezah yetel kayeob uay Zizale |
| nk430 |
taloob chikin.
Layobi canbez u kayoob misa yetel visperas ti canto de organo
yetel chul yetel canto llano ti hunkul ma ohelaan uay cuchi lae.
1553 años: Lay haab ca uli Oidor Doctor Tomas Lopes |
| nk435 |
uay tal luumil Yucatan lae.
Tali Castilla ca uli tuchilbil
tumen c’ noh Ahau Rey Ah Tepal de Castilla
u yan toon tu kab españolesoob uaye.
Lay hauez ca tocabal tumen españolesoob |
| nk440 |
lay ix hauez u chion pek
lay ix ti chunmez u yanhal bataboob ti cahal cah
ca tu dza u varail
lay ix ti dzai u takail patan xan
oxppel U yocol patan ti españolesoob: |
| nk445 |
yubte cib, ulum, ixim, cħoy che yetel zulbil tab
yetel yic, buul, yib, cuum, xamach, ppul,
ca muc yoklal patan tac yumil dzulil c’ betah ti ma tac oidor.
Dzaic u nucul bahun baal lay uchci u cħabal Kul Chuc
tumen Ah Macan Pech. |
| nk450 |
Ca lukoon Zizal yoklal u katci Ah Chucil, Kul Chuc lae,
tumen lay toci u chucil Ah Ceh Pech uay Cupul lae.
Lay talic uay tu pach Ah Kin Pech, Macan Pech,
u palil Ah Macan Pech yetel u nacomoob ti cab Yax Kukul lae.
|
| nk455 |
De 1519 años: Lay haab ca uli españolesoob
uay tac cahal coon Ah Itza uay ti luum Yucatan lae.
Lay tin chicilbezah u kinil yuil,
yetel yaabil yan caanal cen Don Pablo Pech
u mehenen Don Martin Pech ti Xul Kum Cheel |
| nk460 |
concixtadoren uay lae Max Tunil yetel Cħac Xulub Cħeen
tal kamah ix dzuloob tu uolal c’ puczikal
ma ix dzaab katunyah tiob
layoob lae Don Juan de Montejo adelantado
yetel u chayanil capitanoob |
| nk465 |
bay yanil u kaboob ti libro toon ix yax kamah cristianoil
con concixtadores Don Martin Pech u mehen Don Fernando Pech,
Don Pablo Pech u mehenen Don Martin Pech
hel tu yoxlahunpiz u kinil U de Octubre de 1518
ocic ha tu holoob in mektan cahiloob |
| nk470 |
ti hun moloob Max Tunile ti ocol ha tu poloob
tumen yax obispo Don Francisco Toral (1562) ti maya uinicoob
ca oc ha tu poloob tumen c’ yum obispo lae
ca tu ezabi u uimbail santo tiob cahoob tulacal
u uimbail San Pedro yetel San Pablo yetel San Juan |
| nk475 |
yetel San Luis yetel San Antonio yetel San Miguel
yetel San Francisco yetel San Alonso yetel San Agustin
yetel San Sebastian yetel San Diego.
Ca u dziboltahoob oleos ca u kabatah Pedro yan cħa oleos.
Lay u kahlail tulacal lae tin hunmolcinzah uay ti librose |
| nk480 |
uchebal u nucticuba uinicoob
himac bin oltic yohelte u dzoc lukaanil
yanomal c’ noh Ahau Dios uchac tumen tuzinile.
U pakanil hibic ulci españolesoob uay tac luumil lae
tumen u yolah c’ yumil ti Dios Ah Tepal uay ti Peten lae |
| nk485 |
bay ix u than c’ yum Señor Don Juan de Montejo
yetel Don Francisco de Montejo.
Lay yax uloob uay tac luumil lae
lay ix tu dzah u thanil u cumtal iglesia ti dzucendzucil cahoob
u hol cahaboob yetel yotoch cah ku na c’ yum noh ahau |
| nk490 |
bay u cah mensone u yotoch ah namulbeobe.
Bay xan cu yalic c’ noh yum Ah Na Um Pech,
Francisco de Montejo Pech yetel Don Juan Pech
lay u kabaob ca oci ha tu holoob tumen padresoob
yetel adelantado lay capitan. |
| nk495 |
He layoob uloob uay ti luume Yucal Peten,
heklay kabaanzabi ti Yucatanil
tumen c’ yax yumoob españolesoob lae.
Bay ix bin u patcantic c’ yum españolesoob hebic u beltahoob
ca ix tu yalah binil hunkul cuxlacoon tumen Dios |
| nk500 |
ca ix ti yubah maya uinicoob heklay u kabaob lae.
Ca tu yalah Na Um Pech ti u mektan cahil ti dzudzucencil:
ohelteex.
Talel u caah Hunab Ku ti Peten.
Heklay hahal Diose u chicul hahal Dios |
| nk505 |
bineex cuxlac ca cici kameex
ma a dzaiceex katun yokoloob capaz
ma u hanaloob yetel yukuloob ixim, cax, ulum, cab, buul,
u hanaloob yoklal u calcah ti cristianoil.
Lay u palil toon Dios bay tun cibahoob mamac dzay katun |
| nk510 |
ca ix tu likzahubaob
ca bin u yantacoob españolesoob tu concixtab
tu yet xinbaltahoob dzuloob.
Bay xan ha Na Chi Cocom ti cahaan tu hol cacab Zututae |
| nk515 |
tu cuchcabal Chi Cħeen Itza.
Heklay kahaanzabi Chi Cħeen Itzaile he Ah Couat Cocome
tu yantah u than Dios yetel c’ noh Ahau utial concixta
yetel adelantado yetel yum padre clerico tu cuch cahil xan.
Ma ix u dza yah katun u lukzahubaob ichiloob |
| nk520 |
kaxahoob ku nail yetel yotoch cah tu cuchteeloob.
He ix Na Tzin Yabun Chane culhi tu cacabil u naatah
bicil talel u caah hunkul cuxtal
yoltah u kububaob ti Dios tu hahil Ah Catzimoob |
| nk525 |
yetel Ah Chulimoob tu cuchcabil Manil yetel Ah Tutul Xiu.
He ix uay te lakin Lakin Cħeel yetel tan Cupuloob.
He ix ti Campeche Na Dzacab Canul
bay dza lukanhi u tanlahil Dios
uay ti Peten uay tu luumil Zac Ii, |
| nk530 |
Hol Payal Zac Mulix Tun,
Ah Mutule tu Nal Pech culhi uay ti cah lae.
He Ah Na Um Pech uay u payahe mehenoob ca ix ti yalah:
Ohelteex: Hun Imix u kaba kin ahbal cab. |
| nk535 |
Bin u lukah likin caboob hun mexoob,
ah pul tu chicul Hunab Ku ti Peten.
Ca xiceex ti kambuhahil a zibeex
bay tan binciob tu xinbaloob yalan che, yalan aban
ca kuchiob tu tancabal Na Dzacab Canule Campech
|
| nk540 |
ca yalahoob hele tac u yulel a uula Ah Na Dzacab Canule
ca ix ti kam tu zebal la u men yalab lae
ca tipp u chemoob tu hol kaknabil Campech
ca ix ti yalahoob ca yumtah banderasoob zazacpon
ca uloon pixtahoob adelantado |
| nk545 |
ca ix katabiliob tumen lay cristianoob adelantado
ua tub ocah oloob ichil castellano than
ma tan u naatoob ca u chen nucahoob than.
Ma tan c’ ub a than: ci u thanoob.
Ca ix alabi Yucataniloob uay tu luumil cutz, tu luumil ceh. |
| nk550 |
Bay tun binciob capitanesoob
yetel c’ yum adelantado Don Francisco de Montejo
lay tu beltah u yabal pidz yetel kuch
utial muze utial bucah tzimin |
| nk555 |
tumen binel u cibahoob tu cahal Mani yicnal Ah Tutul Xiu.
Ca kuchoob Yiba caniob Yibae kuchoob noh cacab likul tal Becal.
Bay tun manciob españolesoob
ca kuchoob Mani yicnal Ah Tutul Xiu.
Ca ix tu uacuntabic Nacom Keb, Nacom Cay Xicum, Nacom Chuc, |
| nk560 |
lay bin xic u paye Ah Couat Cocom.
Lay tun u chun u culcintabal ah actanoob tumen u cuchuloob
ca lukzabi u uichoob yalan nohoch tacatun zabin
tal pulbil huntul
lay ma lukzabi u uich te yacatun zabin |
| nk565 |
lukzabi u uich ca dzabet ti
ca bin nacpalancal ti yicnal adelantado Mani
ca ix ualkahi yah pululoob tu cahal Couat Cocom
ca tun liki Ah Na Um Pech yetel tu catuliloob xic
u talez Ah Couat Cocom cu kuchuloob |
| nk570 |
ca yalah ti Na Um Pech bicil ma yilahi ma ix yubahi
ca yalah bicil ti binaan tu Chi Cħeen Itzae tu zebal
talci tu cahil tumen Ah Pechoob
ca kuchoob Manil kube u cħazahoob tu zebal
u yalci Ah Cocom ma yilah baal uch tu cahal |
| nk575 |
ca ix dzab uchucil ti
ca bin uchucoob mac u beltahlobe
bay ix tun talci Ah Pech tu cahaloob
yilah u mektan cahiloob uinicilobe
bay tun talciob |
| nk580 |
he ix ca tu tal dzuloob tumen bin uchci u cimzabal dzul
ti cah tumen u cuchuloob
ca tun manoob ca biniob yicnal Ah Batun Pech Cay Cħeel.
Lay tun yilahobe
ca manoob ca binoob Maxtunil yicnal Na Chi May |
| nk585 |
yetel tun Ah Macan Pech.
Bay tun ualkahciob tu luumiloob
tu mektan cahiloob ti Yax Kukule.
Lay Don Pablo Pech, Ah Macan Pech tumenel halach uinic
lay mektanmail tulacal lay uay ti chikin lae |
| nk590 |
yoklal ma ix u lukul yol nacomoob tulacal.
Bay xan lay tumen culcinaben in canant
lay cacab Cħac Xulub Cħeen lae tumenel mazeual uinicoob lae
tan u zauin olaloob lay tumen chic u nak,
ci u yolah Dios ti cahoob lae. |
| nk595 |
He ix lay historia lae tulacal tuux manel señor españolesoob
yetel kubabaob yax padresoob yetel u kaba yax dzuloob
bin dzoloc tumen lay u dzilibal lae
yoklal mentahaan utial yoheltabal bin uchic concixta
ua bic numya tu manzahoob uay yalan che, yalan ak, yalan aban |
| nk600 |
ichil lay haab lae
yetel u chayan yax uinicoob mehentziloob han cahoob
yoklal manal cappel, oxppel haab cahaanoob lae
tamuk tun u dzablahal cahoob tumen c’ yumil dzilioob lae
tamuk tun u ppizil cahoob, |
| nk605 |
u ppizil u kaaxiloob cahoob tumen Oidor Don Tomas Lopes
yan sedula tu kaboob tumen c’ noh Ahau
utial tun xotlahal kaaxoob ti mac cu cahtaloob
ti ma yanac cahoob cuchi
tumen te zihnaloon belnale tulacaloob |
| nk610 |
ti cu halach uinicil Na Um Pech cuchi
ti ma uluc dzuloob hedzic cristianoil uay ti luum cuchi.
He tun cat kuchi u kinil u yulah uay ti Peten lae
ca tu ul dzuloob uay ti luum Yucatan lae.
Ca binoon kameob tumen u zahacil c’ puczikal |
| nk615 |
ca tu dzoci cristianoil uay ti luum lae
ca tu dzablahoon canante cacaboob
ti ma yanac santa iglesia cuchi
ca tu hau u cahil lay belnal lae ma cah helelae.
Lay u chun in patcintic hencex |
| nk620 |
bix uchic u yuchul concixta bahun numya tu manzah
yetel señor españolesoob yoklal maya uinicoob cuchi.
Ma tan yolte u kulubaob ti Dios.
Ten tun cen Don Pablo Pech
tin tzolah u xicinoob ti cacab Max Tunil. |
| nk625 |
Bay xan ma tun culhani ca tun emom ti cacab Cħac Xulub Cħeen.
Dzoci tun u cumtal santo iglesia lae
ca tun ppizah ca ppizbi tu zut pach cah lahbal
yanomal in mehenoob uchom cimic yokol cab |
| nk630 |
tumen ma u macantubal tiob
tumen maya uinicoob ma u manbalcuntabaloob
uchimal hencex baax tu zahtaan c’ yumil ti Dios
tumen u zahacil puczikale
lay tumen dzaab u chucil toon |
| nk635 |
tumen c’ noh Ahau Rey Ah Tepal
yetel ca tun cumcintah santo iglesia
utial kultic c’ yumil ti Dios
yetel yotoch cah tu lakin iglesia u ku na c’ noh Ahau
yetel meson. |
| nk640 |
Bay xan lic ix in betic in uotoch pakil na tu xaman iglesia
ma u yalic maya uinicoob ua utialtoob
tu kinil lay tumen ci chicilbezic
hebix in mentah mailobe yetel yum Don Pablo Pech Ah Macan Pech
yetel in yum Don Martin Pech Ah Kom Pech |
| nk645 |
yetel in yum Don Ambrosio Pech, Op Pech ix u maya kaba,
yetel Ixkil Itzam Pech yetel Don Estevan Pech, Ah Dzulub Pech.
Tac kamah u noh comisionil u ppiz kaaxoob
tu dzaah u licenciail c’ noh Ahau Rey Ah Tepal
ti c’ yumil yax oidor Tomas Lopes |
| nk650 |
utial ca u dzanuctic u than ten
utial ca ppizic u pach c’ tocoy nail
hetuux cahaantacoob uay
uay tu pach cahal utial ca utzac oheltic
tuux cu manel u ppizil c’ luumil utial kilacaboob |
| nk655 |
utial u tzenticubaob u dzaic u hanaloob c’ encomenderosoob
lay oklal cin dzaic u juramentoil tu tanil tulacal uinicoob
lay informacion lae u hahil cu yilicoob u tocoy nailoob
tuux ma yocol u yanal tocoy nai
lay oklal dzaic u hahil |
| nk660 |
he ix mac ix yax encomendero uay ti cacab Cħac Xulub Cħeen lae:
Don Julian Doncel encomenderohi uay ti cacah lae
ca tu yalah ti batab cuxiob
u dzahoob u chicul chi kaax u luumoob
uay tu pach u mektan cahil yoklal |
| nk665 |
tan u ppizil u chi luumoob u chi kaaxoob
ti lakin, ti nohol, ti chikin,
tulacal hencex max cu cahtaloob
tumen dzoc tun u hedzal cristianoil
uay ti luume Cħac Xulub Cħeen yetel ix c’ cilich yum Santiago, |
| nk670 |
patron ah canaan cah utial Don Pedro Pech.
Toon coon bataboon Ah Pechil uinicoon uay ti luum Yucatan lae
tac kamah u noh comisionil u ppizlahal luumoob
tu dzah u thanil yetel u licenciail c’ noh Ahau Rey Ah Tepal |
| nk675 |
ti c’ yumil yax oidor Don Tomas Lopes
utial can dza nucte u than toon cac ppiz u pach cahal lae.
Gr. Don Pedro Pech, gobernador Gr. Ixkil Itzam Pech
Gr. Don Martin Pech Don Pablo Pech Gr. Ah Dzulub Pech |
| nk680 |
Gr. Don Fernando Pech uay Cħac Xulub Cħeen
Gr. Don Ambrosio Pech
Testigosoob ca tu uchpahi u ppizic u pach u mektan cahiloob
tin hunhuntzuc
he tun cu mektanoob lae |
| nk685 |
ta chun olaloob tu batanbaob Ah Pechoon
yetel u cuchcabaloob ca binoon ti kaax.
Huntadz binicoon ti kaax
ca dzab u chicul kaax utial Don Pablo Pech ti cacab Zip Ti |
| nk690 |
tu chikin chumuc be bel Cumkal
hun payan catac tancoch u tal chikin chumuc be.
Uay dzancaboob tulacal uinicoob
yokol cacab Zahcab Luum Ah Cumkaloob
tu yilahoob c’ dzaic u yax chun ppictun yeteloob |
| nk695 |
ca nup ppictun yan uaye noh sicina ti yan cruzi.
Cin binel chikintan yeteloob tan u tzolol u yam ppictunil
latulah yokol cħeen Ti Culul tu nohol Lakin Cħeen.
Bay hunppel sicinae ti yan multuni.
Cin binel chikintan tan u tzolol u yam ppictunil |
| nk700 |
latulah yokol cħeen X-Kauil.
Cin binel chikintan tan u tzolol u yam ppictunil
latulah yokol cħeen Toloc Che.
Layli in binel chikintan tan u tzolol u yam ppictunil
latulah yokol haa poopola. |
| nk705 |
Cin binel chikintan tan u tzolol u yam ppictunil
latulah Chun Uayumil.
Cin binel chikintan layli yetel Ixkil Itzam Pech Cumkal cacathil
latulah Calot Habin noh sicina ti yan cruzi.
+ Calot ppictun yan ualac noh titz. |
| nk710 |
Cin binel xamantan yetel layli Ixkil Itzam Pech
tan u tzolol u yam ppictunil latulah X-Akab Cħeen.
Cin manel cin binel xamantan tan u tzolol u yam ppictunil
latulah tu chikin Yok poop.
Cin binel xamantan tan u tzolol u yam ppictunil |
| nk715 |
latulah cħeen Tzuc Hau Lub.
Cin binel xamantan cacathil tan u tzolol u yam ppictunil
latulah yokol cħeen Hunab Xaan.
Layli xamantan in binel
latulah chumuc Rio Noh Cħeen tzoltunaan u pach. |
| nk720 |
Cin binel xamantan tan u tzolol
latulah Calot Hulul.
Cin binel tu chun mul San Andres noh sicina ti yan cruzi.
+ Uay cin patic Ah Cumkaloob lay chikintan u bineloob.
Cin binel lakintan latulah Zabac Nail Peten. |
| nk725 |
Cin binel latulah Peten Kankan Takin.
Cin binel latulah Caanal Zam.
Cin binel nohol lakin latulah Bolonpiz Zayab.
Uay dzancaboob tulacal uinicoob ah cahnaloob Ah Ixiloob
tu yilahoob u hahil. |
| nk730 |
Noh sicina ti yan cruz + Cin binel yeteloob Ah Ixiloob noholtan
tan u tzolol u yam ppictunil
latulah yokol mul Kantac Dzul.
Ti yan ppictuni.
Cin binel noholtan tan u tzolol u yam ppictunil |
| nk735 |
latulah yokol cħeen Kikche.
Tu nohol cħeen ti yan ppictuni.
Cin manel nohol in binel tan u tzolol u yam ppictunil
latulah yokol cħeen Kum Cheila.
Ti yam ppictun yan cruzi. |
| nk740 |
+ Cin binel noholtan tan u tzolol u yam ppictunil
latulah tu chun muul Yal Uolpocħ.
Ti yan canup ppictuni.
Cin binel noholtan tan u tzolol u yam ppictunil
latulah Calot Muul he yan ti lakine utial Ah Ixiloob. |
| nk745 |
He ix yan ti chikine utial Ah Cħic Xuluboob.
Cin binel noholtan tan u tzolol u yam ppictunil
latulah u hokol he tuux chunpahi lae
yetel Ah Ixiloob uay ti noh titz luume intial ten Na Kuk Pech.
Yan cruzi. |
| nk750 |
+ Cu bineloob Ah Ixiloob lakintan uay Zip Tii.
He cu nucul u kabatic Zip Ti lae
yoklal tuzah zipit olal in yum ten
utial in xotic u pach in mektan cahil utial u dzenticubaob.
Lay nuppic u than mapa he tuux chunpahi lae. |
| nk755 |
Lay u hahil hele 7 Febrero de 1542 años.
Febrero 7 de 1542 años:
Uay ti audencia uay Cħac Xulub Cħeen lae
ti lic c’ dzaic u hahil c’ than tu tanil u nucil uinicoob.
Dzoci c’ilic u kaaxil u pach c’ cahal utial tzentic |
| nk760 |
tumenel he lay luum lae utial Ah Pechil uinicoob.
Cimac t’ol dzoci c’ilic u chi c’ luum
yetel hun olal yetel yacunah
lay tumen c’ dzaic u hahil
bicil ma ppentac yanili ma ix conobil xan |
| nk765 |
hemax bin u hokezuba than tu tan kin lae
ca etzabac lay chahal than tiob u yumiob Ah Pechoob
tu kinil u mektan cahil.
Gr. Dn. Pablo Pech cu dzaic u hal thanoob Dn. Francisco May |
| nk770 |
Ixkil Itzam Pech, batab Cumkal
Dn. Pedro Pech, Ah Macan Pech, Yax Kukul
Dn. Ambrosio Pech, batab Aca
Lay ah xot kaaxoob lae |
| nk775 |
cu xotic u pach u cahaloob
yan tac ix u mapaob xan huntuloob tiob
utial oheltabal bicil ma tuzil baal cachi cilbezic lae
yalabal tumen maya uinicoob uchoon ci cimic uay okol cab lae
bahun numya tu manzah ca tu xayaxtah u pach c’ mektan cahil. |
| nk780 |
(The following list is to be found in Cogolludo Lib. 3, Cap. xiv)
Concixtadores Dzuloob yetel Capitan Francisco Montejo
lay tu yax cahcuntah justicia mayor
yetel Bernardino Villagomez yetel Francisco de Sieça, Alcaldes,
yetel Luis Dias yetel Alonso de Arevalo yetel Francisco Lugones |
| nk785 |
yetel Pedro Dias de Mondiver yetel Alonso de Villanueva
yetel Gonzalo Guerrero, regidores;
Pedro de Molina, procurador;
Joan de Cuenea, escribano;
Baltazar de Gallegos, mayordomo; |
| nk790 |
yetel:
Andres Gonzalez de Benavides.
Juan de Azamar.
Juan López de Mena.
Blas Gonzalez. Otro.
Marcos de Salazar.
Alonso Baez.
Francisco Hernandez Calvillo.
Juan Nuñez.
Alvaro Osorio.
Juan Enamorado.
Toribio Sanchez.
Juan Gutierrez Picon.
Marcos de Ayala.
Martin Ruiz Darce.
Diego de Ayala.
Juan de Cárdenas.
Juan de Contreras.
Juan López de Recalde.
Rodrigo de Cisneros.
Alonso Gonzalez.
Francisco Martin.
Francisco Hernandez.
Estevan Xinobes.
Juan Bote.
Juan de la Cruz.
Juan de Morales.
Martin Garrucho.
Francisco de Palma.
Gaspar Gonzalez.
Pedro Zurujano.
Francisco Hurtado.
Pablos de Arriola.
Pedro de Lugones.
Mizer Estevan.
Francisco Ronquillo.
Pedro Costilla.
Santistevan.
Anton Ruiz
Pedro Duran.
Damian Dovalle.
Martin Recio.
Miguel de Tablada.
Juan de Palacios.
Pedro de Valencia.
Giraldo Diaz.
Alonso Parrado.
Belez de Mendoza.
Martin de Velasco.
Juan Rodriguez.
|
| nk800 |
U kabaob concixtadores he cen ti cahaloob ti Hoo
ca tu dzoci u cahtal ti Ho ix ti cah Bak Halal
ma tu culhobi
latulah ti bey kuchi cahtal ti Hoo tu caten
tu dzoc u yaabil 1542 años |
| nk805 |
Capitan Francisco Montejo yetel tu libroil cavildo.
Uchci u cahtal Ich Caan Ziho yetel kabaob
lay concixtadoresoob lae
ti tu cahalobi
lay tumbul cahtal tulacale ti cahobi. |
| nk810 |
Bay xan ca tu uchpahi utial tu cappel yach chun haab.
U ximbal yetel u tuclic yetel u cici thantic uay ti luum lae
lay tun tumenel ti uchpahi u cahtaloob ichil lay cappel cah lae,
Ich Caan Ziho, Bak Halal. |
| nk815 |
Hencen tu yax katahe cici kami tu cahtal
lay Don Francisco Montejo u mehen adelantado
u teniente tu halach uinicil tu capitan generalil
lay ichil u hedz luumoon lae.
Bay xan lay ix kinil xan culhi hahil u than cabildo |
| nk820 |
bay xan u yax chun alcaldes yetel regidores
ti tu culhoob ti cahtal xani
ca tin dzah u kabaob tu yuchucil
lay tun dzibaantac u kabaob
ca utzac yoheltabal u tulul |
| nk825 |
bay xan u hahilil u kabaob cabal lae.
(The following list is also to be found in Cogolludo Lib. 3, Cap. xvi)
A.
Alonso de Reynoso.
Alonso de Arevalo.
Alonso de Molina.
Alonso Pacheco.
Alonso López Zarco.
Alonso de Ojeda.
Alonso Rosado.
Alonso de Medina.
Alonso Bohorques.
Alonso Gallardo.
Alonso Correa.
Andres Pacheco.
Antonio de Yelves.
B.
Bartolomé Roxo.
Blas Hernandez.
Beltran de Zetina.
Baltazar Gonzalez.
Baltazar Gonzalez, otro portero de cabildo.
C.
Cristoval de San Martin.
D.
Diego Briceño.
Diego de Medina.
Diego de Villareal.
Diego de Baldivieso.
Diego Sanchez.
E.
Estevan Serrano.
Estevan Martin.
Estevan Yñiguez de Castañeda.
F.
Francisco de Bracamonte.
Francisco de Zieza.
Francisco de Lubones.
Francisco de Arzeo.
Francisco Tamayo.
Francisco Sanchez.
Francisco Manrique.
Francisco López.
Francisco de Quiros.
Fernando de Bracamonte.
G.
Gaspar Pacheco.
Gonzalo Mendez.
Gaspar Gonzalez.
Garcia Aguilar.
Garcia de Vargas.
Gómez de Castrillo.
Gerónimo de Campos.
H.
Hernando de Aguilar.
Hernan Muñoz Baquiano.
Hernan Muñoz Zapata.
Hernando de Castro.
Hernan Sanchez de Castilla
J.
Juan Urrutia.
Juan de Aguilar.
Juan López Mena.
Juan de Porras.
Juan de Oliveros.
Juan de Sosa.
Juan Bote.
Julian Doncel.
Juan de Salinas.
Juan Cano.
Juan de Contreras.
Juan de Magaña.
Joanes Vizcaino.
Juan de Parajas.
Juan Ortes.
Jorge Hernandez.
Juan Vela.
Juan Gómez de Sotomayor.
Juan Ortiz de Guzman.
Juan de Escalona.
Juan del Rey.
Juan de Portillo. (The text stops with this name.)
Juan Farfan.
Jacome Gallego.
Juan López.
Juan de Priego.
Juan Caballero.
Maese Juan.
L.
Luis Diaz.
Lucas de Paredes.
Lope Ortiz
M.
Melchor Pacheco.
Licenciado Maldonado.
Miguel Hernandez.
Martin de Yriza.
Martin Sanchez.
Miguel Rubio.
Martin de Yñiguez.
Melchor Pacheco el viejo.
N.
Nicolas de Gibraltar.
P.
Pedro Diaz.
Pedro Costilla.
Pedro Galiano.
Pedro Alvarez.
Pedro de Chavarria.
Pedro Diaz Poveda.
Pedro Muñoz.
Pedro de Valencia.
Pedro Franco.
Pedro Fernandez.
Pablo de Arriola.
Pedro Garcia.
Pedro Alvarez de Castañeda.
Pedro Hernandez.
R.
Rodrigo Alvarez.
Rodrigo Nieto.
Rodrigo Alonso.
Rodrigo Camiña.
S.
Sebastian de Burgos. |
