| |
u kahlay u xocaan katunoob I |
| |
| g001 |
u kahlay u xocaan katunoob
uchci u chictahal u Chi Cħeen Itza uchi lae
lay dzibaan ti cab lae
uchebal yoheltabal tumen himac yolah yoheltah u xocol katun lae |
| g005 |
lay u tzolaan katunoob ca lukci ti cab
ti yotoch Nonoual
cante katunoob anhilo Tutul Xiu ti chikin Zuyua
u luumil u taleloob Tulapan Chiconautlan |
| g010 |
cante bin u katunoob lic u ximbaloob ca uliob uaye
yetel Holon Chan Tepeuh yetel u cuchuloob
ca hokiob ti Petene
Uaxac Ahau bin yan cuchi
uac ahau |
| g015 |
can ahau uchci u chicpahal tzucubte Ziyan Caan Bak Halal lae
cabil ahau
cankal haab catac hunppel haab, tu hunpiz tun cabil ahau cuchie
ca uliob uay ti Petene
cankal haab catac hunppel haab tu pakteil yetel cu ximbaloob |
| g020 |
ca lukci tu luumiloob, ca taleloob uay ti petene, Chacnabilton lae
cabil ahau kuchci Chacnabilton Ah Mekat Tutul Xiu
hunppel haab minaan ti hokal haab yanoob Chacnabilton lae |
| g025 |
Oxlahun Ahau, lay tzolci poop
oxkal haab cu tepaloob Ziyan Caan Bak Halal ca emoob uay lae
lay u haabil cu tepaloob Bak Halal chulte |
| g030 |
oxlahun ahau uchci u chicpahal Chi Cħeen Itza lae
buluc ahau
bolon ahau
uuc ahau
ho ahau |
| g035 |
ox ahau
hun ahau
lahca ahau
lahun ahau
Uaxac Ahau |
| g040 |
lahunkal haab cu tepaloob Chi Cħeen Itza
ca paxi Chi Cħeen Itza
uchi oxlahun uudz katun ca binoob cahtal Chakan Putun
ti yanhi yotochoob Ah Itzaob, kuyan uinicoob lae
uac ahau chucuc u luumil Chakan Putun |
| g045 |
can ahau
cabil ahau
oxlahun ahau
buluc ahau
bolon ahau |
| g050 |
uuc ahau
ho ahau
ox ahau
hun ahau
lahca ahau |
| g055 |
lahun ahau
Uaxac Ahau paxci Chakan Putun
oxlahunkal haab cu tepaloob Chakan Putun
tumen Ah Itza uinicoob
ca taleloob u tzacaloob u yotochoob tu caten |
| g060 |
oxlahun uudz u katunil cahaanoob Chakan Putun
ca u zatahoob u be Chakan Putun
lay tun u katunil binciob Ah Itzaob
yalan che, yalan aban, yalan ak ti numyaob lae
uac ahau |
| g065 |
can ahau
cakal haab ca taloob u hedzoob u yotochoob tu caten
ca u zatahoob u be Chakan Putun
cabil ahau u hedzci cab Ah Zuytok Tutul Xiu Uxmal
oxlahun ahau |
| g070 |
buluc ahau
bolon ahau
uuc ahau
ho ahau
ox ahau |
| g075 |
hun ahau
lahca ahau
lahun ahau
lahunkal haab cuchi ca hedzci cab Ah Zuytok Tutul Xiu Uxmal
lahunkal haab cuchi ca hedzci luum Uxmal |
| g080 |
lahunkal haab cu tepaloob
yetel u halach uinicil Chi Cħeen Itza yetel Mayapan
Uaxac Ahau paxci u halach uinicil Chi Cħeen Itza |
| g085 |
Uaxac Ahau paxci Ah Itza uinicoob ti yotochoob tu caten
tumen u keban than Hunac Ceel
ca uchi Chac Xib Chac Chi Cħeen Itza
tu keban than Hunac Ceel, u halach uinicil Mayapan ich paa
cankal haab catac lahunpiz haab |
| g090 |
tu lahun tun Uaxac Ahau cuchie
lay u haabil paxci tumenel Ah Cintli Iuitl Chan yetel Ah Tzontecomatl
yetel Ah Tlaxcalo yetel Ah Pantli Mitl yetel Ah Xochi Ueuetl
yetel Ah Itz Coatl yetel Ah Quaquatecatl
lay u kaba u uiniciloob lae |
| g095 |
uuctuloob ah Mayapanoob lae
layli u katunil Uaxac Ahau lay ca binoob u paa ah ulmil ahau lae
tumen u uahal uahoob yetel Ah Itzmal Ulil Ahau lae
oxlahun uudz u katunil ca paxci tumen Hunac Ceel
tumen u dzabal u naatoob Ah Itzaob lae |
| g100 |
uac ahau
can ahau
cakal haab ca chuci u luumil ich paa Mayapan |
| g105 |
tumen Ah Itza uinicoob yetel Ulmil Ahau
likiloob ti yotoche tumen Ah Itzmaloob
tumen u keban than Hunac Ceel
cabil ahau
oxlahun ahau |
| g110 |
buluc ahau ca chucuc u luumil ich paa Mayapan tumenel u pach tulum
tumenel u mul tepal ich paa Mayapan
tumenel Ah Itza uinicoob yetel Ah Ulmil Ahau lae
cankal haab catac oxppel haab yocol buluc ahau cuchi
paxci Mayapan tumenel ah uitzil dzul tan cah Mayapan |
| g115 |
bolon ahau
uuc ahau
ho ahau
ox ahau
hun ahau |
| g120 |
lahca ahau
lahun ahau
Uaxac Ahau
lay paxci Mayapan
lay u katunil uchici pucħ tun ich paa Mayapan |
| g125 |
tumen u pach paa, u pach tulum
tumen u mul tepal ich cah Mayapan
uac ahau
can ahau |
| g130 |
cabil ahau
oxkal haab paxac ich paa Mayapan cuchie
lahunkal haab catac cankal haabi paxci cah Mayapan
tumenel ah uitzil dzul |
| g135 |
uchci maya cimlal, uchci oc nail kuchil ich paa Mayapan
uchci noh kakil
oxlahun ahau
oxlahun tun; lay u haab cu ximbal ca yax mani dzuloob
u yax ilci c’ luumil Yucatan tzucubte lae |
| g140 |
cankal haab catac oxlahunpizi paxac ich paa Mayapan cuchie
oxlahun ahau cimci Ah Pul Ha
uacppel haab u binel u xocol Oxlahun Ahau cuchie
ti yan u xocol haab ti lakin cuchi
Canil Kan cumlahi tu Hunte Poop ti lakin. |
| g145 |
He tun ten cin cici pah ol katun haab
tu Holahun Zip catac oxppeli, Bolon Imix u kinil
u kinil lay cimci Ah Pul Ha, Na Pot Xiu
lay tu haabil 1493. |
| g150 |
Buluc Ahau
lay ulci dzuloob, kul uinicoob.
ti lakin u taloob ca uloob uay tac luumile coon maya uinice
tu haabil 1513. |
| g155 |
Bolon Ahau hoppci cristianoil; uchci caput zihil.
Layli ichil u katunil ulci yax obispo, Toral u kaba.
Uay xane hauci cħuy tabe.
He ix u haab cu ximbal cuchie, 1544. |
| g160 |
Uuc Ahau cimci Obispo de Landa.
Ichil u katunil Ho Ahau ca yan cahi padre Mani.
Lay haab cu ximbal cuchi lae, 1550.
Lay haab cu ximbal ca cahi padre Yok Ha lae, 1552.
Lay haab cu ximbal ca ulci oidor, ca paki Espital lae, 1559. |
| g165 |
Lay haab cu ximbal ca ulci Doctor Quijada,
yax halach uinic uay ti luumile lae, 1560.
Lay haab cu ximbal ca uchi cħuy tab lae, 1562.
Lay haab cu ximbal ca ulci gobernador mariscal
ca betah chulub lae, 1563.
Lay haab cu ximbal ca uchi noh kakil lae, 1569. |
| g170 |
Lay haab cu ximbal ca hicħi u cal Ah Kaxoob lae, 1610.
Lay haab cu ximbal ca dzibtabi cah.
tumenel Juez Diego Pareja lae, 1611. |
